آج پھر وہی سِسکی دی سُنائی
جیسے یاد ِ آنگن میں کلی کوئی مرجھائی
اِک شیش محل میں بند تھا میں بھی
ناتواں چہروں کے سنگ تھا میں بھی
دن ، ہفتے ، ماہ و سال گزار لئے میں نے
مکر ، فریب ، دھوکے پال لئے میں نے
تُجھ سے بھاگا ، خُود سے بھاگا
بھاگا سارے جہاں سے بھاگا
خُود ، خُود داری ، خود پسندی بھی خوب کی
نئے چہروں سے ملاقاتیں بھی لوٹ لیں
نئے لباسوں ، خوشبوؤں کو آزمایا گیا
اس جسم کو کئی جسموں پر لُٹایا گیا
جام پرجام پئیے ، اوروں کو پلائے گئے
اِسی سروُر میں شب و روز گنوائے گئے
آزاد کیا روح کو کئی ڈوریوں سے
اُنس، محبت ، عقیدے، عبادتوں سے
خوش تھا ، مگن تھا اپنی میں میں، میں
سمجھ کر آخری جی رہا تھا زندگی میں
پھر اک شب دسمبر کی آئی
ایسی چھائی ہر سُو تنہائی
گُھپ اندھیرے ساتھ لائی
جیسے پُرانی دوات کی سیَاہ روشنائی
عنبر برسا ، ایسا برسا ، خوب برسا !
بادل گرجا ، ایسا گرجا ، خوب گرجا !
شاید یہی وہ پل تھے
شاید یہی وہ سمے تھے
جب منصور کو سولی چڑھایا گیا
جب سقراط کو زہر پلایا گیا
جب سوہنی دھوکے سے ڈبوئی گئی
مِرزے کو رقیبوں سے مروایا گیا
حوا کی انارکلی سانس سمیت چُنوائی گئی
سنگسار مجنوں کے روبرو لیلٰی رُسوا کرائی گئی
انہی برساتی قطروں نے اشفاق کے آنسو بہائے تھے
بے گھر سہمی بانو پر جیسے کِیل کسی نے گرائے تھے
(جاری ہے)