کچھ کچھ اب مجھ پر آشکار ہوا ہے
ہاں! واقعی مجھے بھی کہیں پیار ہوا ہے
کچھ یاد پڑے تو بھلے وقتوں کی بات تھی
بھلی سی اک شکل لگتی کل کائنات تھی
گیسوؤں کی چمک ہو یا پھولوں کی مہک
دھند کی خوشبو ہو یا کوئل کی چہک
دیکھو آسماں تو اجلے بادلوں میں
سورج کی روشنی ہو یا چاند کی چاندنی میں
وہ گرمی کی راتیں تھیں
دمکتے تاروں سے باتیں تھیں
بن باتوں کے ہنسی بھی آتی تھی
چمکتے نینوں میں پانی بھر لاتی تھی
گرتی اوس میں ، ستاروں کی اور میں
یادوں کی چادر میں نیند بھی خوب آتی تھی
سورج ڈھلتا رہا، چاند جلتا رہا
دن بدلتے گئے، سال گزرتے گئے
یادیں بھی وہی ہیں، باتیں بھی وہی ہیں
ہنسی کہیں کھو گئی ، مسکراہٹ بھی رو گئی
وقت کا پہیہ اسی رفتار پر چلتا رہا
کہیں جانے انجانے میں پیار بھی پلتا رہا
کسک، اداسی، غم کے موسم بھی آتے رہے
خاص، مسرت، روشن سویر کی امید دلاتے رہے
اب یہ مجھ کو معلوم پڑ رہا ہے
یہ پیار ، محبت میں بدل رہاہے
جیسے آنکھوں کو آنکھیں دیکھ لیتی ہیں
ویسے محبت کو محبت ڈھونڈ لیتی ہے
اس محبت کو اب کے سمیٹا جائے
نہ توقع، نہ حساب نہ بحث کو چھیڑا جائے
اس میں منزل، مقصد کچھ نہیں ہوتا
بس سفر ، ہمسفر ہی سب کچھ ہوتا
تو کیوں نہ! اداسیوں، تھکاوٹوں کو قلیل کیا جائے
اپنائیتوں،چاہتوں کے سفر کو طویل کیا جائے
پہلے بھی تو غم تھے، غم میں درد تھے
درد کے ماروں کو بھی، یہی مزہ دیا جائے
جل رہے تھے ہم بھی، سالہا سال سے
اب اُٹھ رہا ہے دھواں کسی بندہِ کمال سے
اِس دُھواں کو چنگاری سے محفوظ رکھا جائے
بھڑکتی آتش کو وادی سے دور رکھا جائے
میرے حصے کی ساری لکڑیاں جل چکی
اُن کے حصے کی شاخوں کو ہرا رکھا جائے
سفرِ طویل میں جذبات، جسم بھی جل چُکا
جنون کا بے رحم سورج بھی ڈھل چُکا
اب جلد ہی نیل بھری شام آنے والی ہے
ان بے جان جسموں میں جان آنے والی ہے
اب تو بس فلک پر تاروں کا انتظار ہے
کہکشائیں بھی اپنا جھرمٹ بنانے والی ہیں
سانس روکے، دل تھامے دیکھ رہا ہوں چاروں اور
جس جا بھی چاندنی ہو ، وہیں سے کوئی حُور آنے والی ہے
رات کے پرندوں اپنی نظریں مت جمائیں رکھنا
زیادتیِ نظر میں تمہاری بھی چشم چُندھیانے والی ہے
ہم تو عادی ہیں جذبات کو قابو میں رکھنے کے
تمہاری بستی گھونسلوں سمیت زمیں پر آنے والی ہے
مرا شوقِ انتظار ہو یا اُس کا ذوقِ مِلن
اب کے بار قدرت بھی ہاتھ بڑھانے والی ہے
وقتِ ہجر گزر گیا،گھڑی وصل کی آنے والی ہے
جوذات سب پر قابض ہے وہ ذات ملانے والی ہے
راؔئے یہ مجھ کو کیوں کچھ ہو رہا ہے
اچھا! اچھا! آمد کا وقت ہو رہا ہے
ہاں! اب یہ مجھ کو احساس ہو ا ہے
ہاں! کسی کو ہم سے بھی پیار ہواہے
کچھ کچھ اب مجھ پر آشکار ہو ا ہے
ہاں! واقعی مجھے بھی کہیں پیار ہو ا ہے
رائے وقاص کھرل
Kuch Kuch Ab Mujh Par Aashkaar Hua Hai
Haan! Waqai Mujhe Bhi Kahin Pyaar Hua Hai
Kuch Yaad Pare To Bhalay Waqton Ki Baat Thi
Bhali Si Ik Shakal Lagti Kal Kainaat Thi
Gesuon Ki Chamak Ho Ya Phoolon Ki Mehak
Dhund Ki Khushboo Ho Ya Koel Ki Chehak
Dekho Aasmaan To Ujlay Baadalon Mein
Sooraj Ki Roshni Ho Ya Chaand Ki Chaandni Mein
Wo Garmi Ki Raatein Thin
Damakte Taaron Se Baatein Thin
Bin Baaton Ke Hansi Bhi Aati Thi
Chamakte Nainon Mein Paani Bhar Laati Thi
Girti Os Mein, Sitaron Ki Ore Mein
Yaadon Ki Chaadar Mein Neend Bhi Khoob Aati Thi
Sooraj Dhalta Raha, Chaand Jalta Raha
Din Badalte Gaye, Saal Guzarte Gaye
Yaadein Bhi Wohi Hain, Baatein Bhi Wohi Hain
Hansi Kahin Kho Gayi, Muskurahat Bhi Ro Gayi
Waqt Ka Pahiya Usi Raftaar Par Chalta Raha
Kahin Jaane Anjaane Mein Pyaar Bhi Palta Raha
Kasak, Udaasi, Gham Ke Mausam Bhi Aate Rahe
Khaas, Musarrat, Roshan Sawer Ki Umeed Dilate Rahe
Ab Ye Mujh Ko Maloom Par Raha Hai
Ye Pyaar, Mohabbat Mein Badal Raha Hai
Jaise Aankhon Ko Aankhein Dekh Leti Hain
Waisay Mohabbat Ko Mohabbat Dhoond Leti Hai
Is Mohabbat Ko Ab Ke Sameta Jaye
Na Tawaqqo, Na Hisaab Na Bahas Ko Chhera Jaye
Is Mein Manzil, Maqsad Kuch Nahi Hota
Bas Safar, Humsafar Hi Sab Kuch Hota
To Kyun Na! Udaasiyon, Thakawaton Ko Qaleel Kiya Jaye
Apnaiyaton, Chahaton Ke Safar Ko Taweel Kiya Jaye
Pehle Bhi To Gham Thay, Gham Mein Dard Thay
Dard Ke Maaron Ko Bhi, Yehi Maza Diya Jaye
Jal Rahe Thay Hum Bhi, Saalha Saal Se
Ab Uth Raha Hai Dhuaan Kisi Banda-e-Kamaal Se
Is Dhuaan Ko Chingaari Se Mehfooz Rakha Jaye
Bharkti Aatish Ko Waadi Se Door Rakha Jaye
Mere Hissay Ki Saari Lakriyan Jal Chuki
Un Ke Hissay Ki Shaakhon Ko Hara Rakha Jaye
Safar-e-Taweel Mein Jazbaat, Jism Bhi Jal Chuka
Junoon Ka Be-Reham Sooraj Bhi Dhal Chuka
Ab Jald Hi Neel Bhari Shaam Aane Wali Hai
In Be-Jaan Jismon Mein Jaan Aane Wali Hai
Ab To Bas Falak Par Taaron Ka Intezaar Hai
Kehkashain Bhi Apna Jhurmat Banane Wali Hain
Saans Roke, Dil Thaame Dekh Raha Hoon Chaaron Aur
Jis Jaa Bhi Chaandni Ho, Wahin Se Koi Hoor Aane Wali Hai
Raat Ke Parindon Apni Nazrein Mat Jamaayein Rakhna
Ziyaadati-e-Nazar Mein Tumhari Bhi Chashm Chundhiyaane Wali Hai
Hum To Aadi Hain Jazbaat Ko Qaabu Mein Rakhne Ke
Tumhari Basti Ghoslon Samait Zameen Par Aane Wali Hai
Mera Shauq-e-Intezaar Ho Ya Us Ka Zauq-e-Milan
Ab Ke Baar Qudrat Bhi Haath Barhane Wali Hai
Waqt-e-Hijr Guzar Gaya, Ghari Wasl Ki Aane Wali Hai
Jo Zaat Sab Par Qaabiz Hai Wo Zaat Milane Wali Hai
Rai Ye Mujh Ko Kyun Kuch Ho Raha Hai
Acha! Acha! Aamad Ka Waqt Ho Raha Hai
Haan! Ab Ye Mujh Ko Ehsaas Hua Hai
Haan! Kisi Ko Hum Se Bhi Pyaar Hua Hai
Kuch Kuch Ab Mujh Par Aashkaar Hua Hai
Haan! Waqai Mujhe Bhi Kahin Pyaar Hua Hai