تم سے ملنا میری قسمت تھی
تم پر ٹھہرنا میری مرضی تھی
وہ پہلی نظر تمہیں دیکھنا زندگی لگی
جیسے تاریک غار میں شمع کہیں جلی
حُسنِ اتفاق تھا یا صدیوں کا قِصّہ
مُختصر تھا پر کافی تھا یہ حِصّہ
مانا کہ میں ہوں باغی قبیلے سے
چل نہ سکا ریاست میں تیرے سِکّہ
طریقے باغیوں کے بہت تھے میرے پاس
روک لیتی تھی تیرے آنسوؤں کی برسات
ہمیں چاہئے تھا کہ تیرگی سے پہلے
آنکھ اٹھنے، دل دھڑکنے سے پہلے
ہم مذہب، مسلک، ذات پوچھتے
بعد از حال و احوال پوچھتے
گھروں سے اپنی مجال پوچھتے
مُلا سے حرام و حلال پوچھتے
رشتوں سے پہلے ان کا زوال پوچھتے
کب کیا ہو گا، مہینہ و سال پوچھتے
ہمیں چاہیے تھا کہ یہ سب کرتے
ہمیں چاہیے تھا ان کے مطابق چلتے
اور کوئی اہلِ سُخن بتا دے انہیں
پاس بیٹھ کر سمجھا دے انہیں
اگر ہم ایسا حِساب کرتے
تو مَحبّت ہم خاک کرتے؟
سو ہمیں خاک تھما دی گئی
پھر چہروں پر مَلا دی گئی
تمہاری ذاتیں، گوتیں، قبیلے بچ گئے
ماتھے شِملوں، گھر قمقموں سے سج گئے
اپنی شرطوں پر، اپنی رسموں پر
ایسے اپنی نسلوں کو بھینٹ چڑھایا گیا
جیسے فارس کے بازاروں میں
کسی سُنی سے ماتم کرایا گیا
جیسے کوئی طاقتور اموی سپہ سالار
کسی سناتن کو زبردستی کلمہ پڑھوائے
کسی عیسائی کو کلیسا سے نکال کر
مسجد میں زورِ بازو سجدہ کروائے
بھلا ایسا کہاں ہوتا ہے؟
ہاں، ایسا یہاں ہوتا ہے!
یہاں فرمانبردار اولادوں کی
سوچ اور جذبات کی حد ہوتی ہے
یہاں حد کی رسی کسی اور ہاتھ ہوتی ہے
جو ہانکے جہاں، ہمیں چلنا وہی ہوتا ہے
ہمیں جو کہا جائے کرنا وہی ہوتا ہے
برہمن زادوں کے روبرو شودر بننا ہوتا ہے
آنکھ پر پٹی، زباں پر تالا، دل دفن ہوتا ہے
ہاتھ و پا ایسے بندھے جیسے کوئی کفن ہوتا ہے
گر آنکھ کو کوئی بھا جائے ، روح میں وہ سما جائے
بے قرار لہروں کو قرار آ جائے، بیتاب بحر ٹھہر جائے
دل میں خیالوں کے افسانے بن جائیں
خوابوں میں وصل کے ترانے بن جائیں
سرعام نفرت کے پرچاری ایک طرف ہو جاتے ہیں
حُب پوشیدہ رکھنے پر اپنے دشمن ہو جاتے ہیں
یہ حد سے نکلنے پر کڑی سزا سناتے ہیں
ہم جیسے اپنے کئے کی قیمت چکاتے ہیں
سرخ و سیاہ لباسوں میں ہمیں لایا جاتا ہے
سامنے سب کے اقرار کروایا جاتا ہے
پھر اجنبی کے ساتھ بندھوایا جاتا ہے
ہماری روحوں کا قتل کروایا جاتا ہے
سزا بُھگتنی ہوتی ہے ،اگر اِنکار ہوتا ہے
اس سے آگے جسم سنگ سار ہوتا ہے
راؔئے مَحّبت کی روحوں کا ایک ہی کرما ہوتا ہے
انہیں مرنا ہوتا ہے، انہیں مرنا ہوتا ہے
DIL-E- DAFFAN
Wo Pehli Nazar Tumhain Dekhna Ik Zindagi Lagi
Jese Tareek Ghar Mai Shamma Kahin Jali
Husn-e-Ittefaq Tha Ya Sadiyon Ka Qissa
Mukhtasar Tha Par Kaafi Tha Ye Hissa
Mana Ke Main Hoon Baghi Qabeele Se
Chal Na Saka Riyasat Mein Tere Sikka
Tareeqay Baghiyon Ke Bohat Thay Mere Paas
Rok Leti Thi Tere Aansuon Ki Barsaat
Hamein Chahiye Tha Ke Tareegi Se Pehle
Aankh Uthne, Dil Dharakne Se Pehle
Hum Mazhab, Maslak, Zaat Poochte
Baad Az Haal-o-Ahwal Poochte
Gharon Se Apni Majal Poochte
Mulla Se Haram-o-Halal Poochte
Rishton Se Pehle Un Ka Zawaal Poochte
Kab Kya Hoga, Maheena-o-Saal Poochte
Hamein Chahiye Tha Ke Ye Sab Karte
Hamein Chahiye Tha Un Ke Mutabiq Chalte
Aur Koi Ahl-e-Sukhan Bata De Unhein
Paas Baith Kar Samjha De Unhein
Agar Hum Aisa Hisaab Karte
To Mohabbat Hum Khaak Karte?
So Hamein Khaak Thama Di Gayi
Phir Chehron Par Mala Di Gayi
Tumhari Zaatain, Gotain, Qabeele Bach Gaye
Maathay Shimlon, Ghar Qumqomon Se Saj Gaye
Apni Sharton Par, Apni Rasmon Par
Aise Apni Naslon Ko Bheint Charhaya Gaya
Jaise Faaris Ke Bazaaron Mein
Kisi Sunni Se Matam Karaya Gaya
Jaise Koi Taqatwar Umvi Sipah Salar
Kisi Sanatan Ko Zabardasti Kalma Parhwaye
Kisi Isaai Ko Kaleesa Se Nikaal Kar
Masjid Mein Zor-e-Baazu Sajda Karwaye
Bhala Aisa Kahan Hota Hai?
Haan, Aisa Yahan Hota Hai!
Yahan Farmabardar Aulaadon Ki
Soch Aur Jazbaat Ki Hadd Hoti Hai
Yahan Hadd Ki Rassi Kisi Aur Haath Hoti Hai
Jo Haanke Jahan, Hamein Chalna Wohi Hota Hai
Hamein Jo Kaha Jaye Karna Wohi Hota Hai
Barahman Zaadon Ke Rubaroo Shudar Banna Hota Hai
Aankh Par Patti, Zabaan Par Taala, Dil Dafan Hota Hai
Haath-o-Pa Aise Bandhe Jaise Koi Kafan Hota Hai
Gar Aankh Ko Koi Bha Jaye, Rooh Mein Wo Sama Jaye
Beqarar Lehron Ko Qarar Aa Jaye, Betaab Behr Thehar Jaye
Dil Mein Khayalon Ke Afsane Ban Jayein
Khwabon Mein Wasl Ke Tarane Ban Jayein
Sar-e-Aam Nafrat Ke Parchari Ek Taraf Ho Jate Hain
Hub Poshida Rakhne Par Apne Dushman Ho Jate Hain
Ye Hadd Se Nikalne Par Kari Saza Sunate Hain
Hum Jaise Apne Kiye Ki Qeemat Chukate Hain
Surkh-o-Siyah Libason Mein Hamein Laya Jata Hai
Samne Sab Ke Iqraar Karwaya Jata Hai
Phir Ajnabi Ke Saath Bandhwaya Jata Hai
Hamari Roohon Ka Qatl Karwaya Jata Hai
Saza Bhugatni Hoti Hai, Agar Inkaar Hota Hai
Is Se Aage Jism Sang Saar Hota Hai
Rai Mohabbat Ki Roohon Ka Ek Hi Karma Hota Hai
Unhein Marna Hota Hai, Unhein Marna Hota Hai