سوچا تھا کبھی دلِ دشت میں
کسی بھولی بسری شام میں
موسم وہی پھر سے آ رہا
اداس گھڑیوں کے دوام میں
جیسے زرد بادل آسمان میں
کوئی سَندیس کسی کا لا رہا
پرندے بھی گھر جا رہے
باتیں دل کی سُنا رہے
ان کا محو محبت دیکھ کر
دریچے دل کے ہلا رہے
تاریکی جیسے چھا رہی
میری نبض گھٹتی جا رہی
یاد پھر ایسے ان کی آ رہی
جیسے سانس میں سانس جا رہی
من مائل ہے ، روح گھائل ہے
کیا اتنا سِتم، صنم جائز ہے؟
کیوں تم اتنا یاد آ رہے ہو
بھول بھی جاؤ ،گر بھُلا رہے ہو
تم صبر میں ہو، خاموش بھی ہو
پھر شور کیوں اتنا مچا رہے ہو
ہاں تم تھے، چاند کسی کے
سورج سے ہی دور جا رہے ہو
دور جو تم چلے جاؤ گے
وہ روشنیاں کس سے پاؤ گے
گھبراؤ گے، پچھتاؤ گے
پھر سجدوں میں گڑگڑاؤ گے
چلتے چلتے ہاتھ جو چھوڑا
دل سے دل کا ناطہ توڑا
میں نے ہر ہر بار جوڑا
تو نے ہر ہر بار توڑا
اک خوف جو دل کو کھا رہا
تیرا کل آنکھ کے سامنے آ رہا
تو ہنس بھی رہا، مسکرا بھی رہا
اندر ہی اندر گھبرا بھی رہا
پھر بات ایک ہی ہو سکتی ہے
تو رشتہ نیا بنا رہا ہے
گھبرانا مت ، پچھتانا مت
میری چال میں بالکل آنا مت
میری شاعری ، میرے لفظ
اس جال میں دھوکہ کھانا مت
وہی کرنا جو لوگ کہیں
جو پرم پرا ہے، جو چلتا رہا ہے
جب جب مشکل وقت آتے ہیں
یہ لوگ خدا ہو جاتے ہیں
اکثر پیار میں پاگل پنچھی
گھر اپنا ہی جلاتے ہیں
روح، سکوں، سانس، صنم
بھرے بازار بیچ آتے ہیں
غیرت، ستم ، سماج کی گٹھڑی
ساتھ اپنے گھر لے آتے ہیں
پھراستخارے، صدقے، سجدے ، دعائیں
کر کر تھکتے جاتے ہیں
ہیں یہی محبت کےاصل مجرم
جو وحشت کو گلے لگاتے ہیں
یہ اداسیوں کے تعفن زدہ
ڈھیروں خوشبو لگاتے ہیں
چِھڑکاتے ہیں عُود بہت
دم درود بھی کرواتے ہیں
پھر بھی چہرے کے آثار وہی ہیں
وحشت کے امراض وہی ہیں
کبھی دیکھے ہیں تندرست مریض
جو طبیب کو دھوکا دے جاتے ہیں
تیری نبض بھی پڑھ لی تھی میں نے
کئی سال قبل کئی بار قبل
تو وہی تھی، کہتی تھی عالم ارواح میں
میرا ساتھ نہ چھوڑنا برزخ تک
تاریک رستوں میں، طوفانی راتوں میں
میرا ہاتھ نہ چھوڑنا مرتے تک
دیکھ میرا ہاتھ وہیں ہے
ڈھونڈ ذرا، یہاں تو نہیں ہے
دیکھ میرے ہاتھ کو دیمک کھا رہی ہے
درد اتنا کہ روح بھی میری کراہ رہی ہے
شدتِ تکلیف ہے اتنی جیسے
جھاڑی سے ریشم کھینچی جا رہی ہے
دعا ہے تجھے پانے کی خواہش نہ رہے
تجھے کھونے کا غم نہ رہے
کائنات کے ایک ایک ذرے کی
کسی سازش میں دَم نہ رہے
خدا کرے تو مجھ میں
اور ہم تجھ میں نہ رہیں
یہ جنتری، یہ کیلنڈر، یہ گھڑیاں
یہ موسم یہ پَل نہ رہیں
خدا کرے ، ایسا ہی ہو راؔئے
لیکن ایسا کہاں ہوتا ہے ہائے
وہی موسم پلٹ آتے ہیں
اُسی شام کو پھر لے آتے ہیں
جس شام میں دَشت ہی دَشت ہے
اُسی شام پرندے بھی گھر جاتے ہیں
PARINDAY
Socha Tha Kabhi Dil-e-Dasht Mein
Kisi Bhooli Bisri Shaam Mein
Mausam Wohi Phir Se Aa Raha
Udaas Ghariyon Ke Dawaam Mein
Jaise Zard Baadal Aasmaan Mein
Koi Sandees Kisi Ka La Raha
Parinday Bhi Ghar Ja Rahe
Baatein Dil Ki Suna Rahe
Un Ka Mahv-e-Mohabbat Dekh Kar
Dareechay Dil Ke Hila Rahe
Tareeki Jaise Chha Rahi
Meri Nabz Ghatti Ja Rahi
Yaad Phir Aise Un Ki Aa Rahi
Jaise Saans Mein Saans Ja Rahi
Mann Maail Hai, Rooh Ghaayal Hai
Kya Itna Sitam, Sanam Jaiz Hai?
Kyun Tum Itna Yaad Aa Rahe Ho
Bhool Bhi Jao, Gar Bhula Rahe Ho
Tum Sabr Mein Ho, Khamosh Bhi Ho
Phir Shor Kyun Itna Macha Rahe Ho
Haan Tum Thay, Chaand Kisi Ke
Sooraj Se Hi Door Ja Rahe Ho
Door Jo Tum Chale Jao Ge
Wo Roshniyan Kis Se Pao Ge
Ghabrao Ge, Pachtau Ge
Phir Sajdon Mein Gargarao Ge
Chalte Chalte Haath Jo Chhoda
Dil Se Dil Ka Naata Toda
Main Ne Har Har Baar Joda
Tu Ne Har Har Baar Toda
Ik Khauf Jo Dil Ko Kha Raha
Tera Kal Aankh Ke Samne Aa Raha
Tu Hans Bhi Raha, Muskura Bhi Raha
Andar Hi Andar Ghabra Bhi Raha
Phir Baat Ek Hi Ho Sakti Hai
Tu Rishta Naya Bana Raha Hai
Ghabrana Mat, Pachtana Mat
Meri Chaal Mein Bilkul Aana Mat
Meri Shayari, Mere Lafz
Is Jaal Mein Dhoka Khana Mat
Wohi Karna Jo Log Kahein
Jo Parampara Hai, Jo Chalta Raha Hai
Jab Jab Mushkil Waqt Aate Hain
Ye Log Khuda Ho Jate Hain
Aksar Pyar Mein Pagal Panchhi
Ghar Apna Hi Jalate Hain
Rooh, Sukoon, Saans, Sanam
Bhare Bazaar Bech Aate Hain
Ghairat, Sitam, Samaaj Ki Guthri
Saath Apne Ghar Le Aate Hain
Phir Istikhare, Sadqay, Sajde, Duayein
Kar Kar Thakte Jate Hain
Hain Yehi Mohabbat Ke Asal Mujrim
Jo Wahshat Ko Gale Lagate Hain
Ye Udaasiyon Ke Ta’affun Zadah
Dheron Khushboo Lagate Hain
Chhirakte Hain Ood Bohat
Dam Durood Bhi Karwate Hain
Phir Bhi Chehre Ke Aasaar Wohi Hain
Wahshat Ke Amraaz Wohi Hain
Kabhi Dekhe Hain Tandurust Mareez
Jo Tabeeb Ko Dhoka De Jate Hain
Teri Nabz Bhi Parh Li Thi Main Ne
Kai Saal Qabal, Kai Baar Qabal
Tu Wohi Thi, Kehti Thi Aalam-e-Arwah Mein
Mera Saath Na Chhorna Barzakh Tak
Tareek Raston Mein, Toofani Raaton Mein
Mera Haath Na Chhorna Marte Tak
Dekh Mera Haath Wahi Hai
Dhoond Zara, Yahan To Nahi Hai
Dekh Mere Haath Ko Deemak Kha Rahi Hai
Dard Itna Ke Rooh Bhi Meri Karah Rahi Hai
Shiddat-e-Takleef Hai Itni Jaise
Jhaari Se Resham Kheenchi Ja Rahi Hai
Dua Hai Tujhe Paane Ki Khwahish Na Rahe
Tujhe Khone Ka Gham Na Rahe
Kainaat Ke Ek Ek Zarre Ki
Kisi Saazish Mein Dam Na Rahe
Khuda Kare Tu Mujh Mein
Aur Hum Tujh Mein Na Rahein
Ye Jantri, Ye Calendar, Ye Ghariyan
Ye Mausam, Ye Pal Na Rahein
Khuda Kare, Aisa Hi Ho "Rai"
Lekin Aisa Kahan Hota Hai Haye
Wohi Mausam Palat Aate Hain
Ussi Shaam Ko Phir Le Aate Hain
Jis Shaam Mein Dasht Hi Dasht Hai
Ussi Shaam Parinday Bhi Ghar Jate Hain