میں نے جس کو چاہا ، وہ پاس نہ رہا
یہ من مرا ، ہمیشہ اُداس ہی رہا
ماسوائے حقیقی چند خاص رشتوں کے
یہ دل ہمیشہ تم جیسوں کی تلاش میں رہا
بہت مشکل سے ڈھونڈے جاتے ہیں
ایسے رشتوں میں ماہ و سال لگ جاتے ہیں
تم سے ملے تو ایسا لگا کہ سب بھلا ، بھلا ہے
موسم بہار کی ماند اس دوستی کو سمے کم ملا ہے
سفر میں ، حضر میں یا پھر کسی بھنور میں
فہرس یاراں میں تم ہمیشہ معتبر رہے
وقت جتنا بھی بیتا ہے تمہارے ساتھ
یارانہ ، میل جول ، تعلق کا مظہر ہی رہے
زندگی کے ادواروں میں حریف بھی رہے
جذبات کے کم ذات رقیب بھی رہے
پرواہ نہیں رہتی ان رذالوں کی
جب تیرے جیسا دوست حلیف بھی رہے
تجھے مجھ سے شکایتیں ، شکوے اخیر ہو نگے
میرے لفظوں ، تلخ لہجے جیسے تیر ہونگے
جانے انجانے کہیں دل دُکھا جو ہو تو
معاف کرنا ، بھول جانا ، صاف رکھنا
یار تیری چاہ میں جو ہو سکا، نبھایا میں نے
تو نے پکارا جو اک بار ، دہرایا میں نے
ضد ، انانیت ، طیش ، خودرائی کا پیکر میں
تیری سنگت ، یگانگت ، خلوص پر وارا میں نے
ماں باپ کا لاڈلہ میں ، نرم بستر کا عادی میں
تیرے سنگ یارا ، زمیں پر بھی سو جاتا تھا میں
میں روٹھتا نہیں ہوں ، میں ٹوٹتا نہیں ہوں
آجکل اداس ہوں ، زیادہ بولتا نہیں ہوں
دیکھو یارا ، محفلوں میں اب تو نہ ہو گا
لوگ ہو نگے ، جام ہونگے لیکن محفل جاں نہ ہو گا
کئی چہروں سے کئی لہجوں سے باتیں ڈھیر ہوں گی
تیرا چہرہ ، تیری چاہت ، چاہ کی میٹھی تاثیر نہ ہو گی
میں نے سمجھا تھا کہ اب ہمارا حریف نہ رہا
تمہیں الوداع اے دوست ، تم جیسا رفیق نہ رہا
تو جا رہا ہے ، جا سدا تو آباد رہے
تیری زندگی میں خوشیوں کی برسات ہی رہے
تجھے قدم قدم پر ملیں راحتیں اور کامرانیاں
ہر موڑ پہ تیرا مقدر تیرے ساتھ ہی رہے
میں چاہتا ہوں تجھ پر شعر کوئی لکھتا رہے
تجھے راؔئے جیسا شاعر بھی ملتا رہے
تو جہاں جائے ، دعائیں و چاہتیں سمیٹتا جائے
یاروں کا یار رہے ، دلوں کا دلدار رہے