سچ میں کوئی نہیں ہے
یہاں اب کوئی نہیں ہے
بس تم ، فقط تم، صرف تم؟
اور میں،یعنی میں، میں خود؟ جی،جی۔۔بس میں
میں، میرا وجود، میرے خیال
کبھی مسکراہٹ، غم تو کبھی بکھرے بال
کیوں بار بار آلہ رابطہ کو تھامے
کیوں اس کی جلتی بجھتی روشنی کو دیکھے
کیوں کر رہے ہو کسی کا انتظار
انتظار اُسی پیغام کا، آواز کا، انسان کا
وہ جا چکا ہے، یقین کرو
یہاں اب کوئی نہیں ہے
کوئی وجود نہیں ہے
کوئی کسر نہیں ہے
صرف تم ہو ، فقط تم
یعنی میں ، فقط میں
میں وہی ہوں، وہ نہیں ہے
تو پھر میں کس کی تلاش میں ہوں
میری گستاخ آنکھیں، میری کمزور یادداشت
کس کو ڈھونڈ رہے، کس کو یاد کر رہے
کچھ پانا ہے ابھی، کچھ ممکن ہے ابھی
کسی کو طلب ہے میری، ہے مجھے کسی کی طلب
وہ کہاں ہے ، ارے وہ بھی یہاں ہے
دشت، دریاؤں، صحراؤں، دور بسے گاؤں
سب کے سب میں ڈھونڈیں گے اسے
ملے گا وہ، انساں ہے نا۔۔یا پھر خدا ہے
مجھے تھی اسی کی تلاش
جسےتھی میری تلاش
یہ بے چینی، اضطراب، محفل میں تنہائی
بے وجہ تو نہیں، رائیگاں تو نہیں
میں ڈھونڈ لوں گا ایک دن اسے
مجبور چہروں کے پیچھے، تلخ لہجوں کے نیچے
اس جھیل سی آنکھوں والی کو
اس پریوں کی شاہ زادی کو
اس جلترنگ پانیوں کی جل پری کو
اس صبح کی ٹھنڈی اوس کو
اس اٹھتی لہروں سی موج کو
برسنے کو ترستے بادل جیسی کو
سب رنگوں سے اٹی اس مور کو
سینے میں بند جذبات کے شور کو
سویر کی پہلی مدھم کرن کو
سنہری رات کی سبز روشنیوں کے ملن کو
سالوں سے بند موتی جیسی سیپ کو
کہیں گم ، کہیں کھوئی عندلیب کو
اداس گھڑی کی بے وجہ مُسکان کو
بھیڑ میں نکھڑے اس ہاتھ کو
میں ڈھونڈ لوں گا
میں پہچان لوں گا
وہ جس حال میں ہو گا
میں تھام لوں گا
وہ پیاس کہے گا
میں جام دوں گا
وہ دل کہے گا
میں نکال دوں گا
وہ نین کہے گا
میں نور دوں گا
وہ نام لے گا
میں جان دوں گا
میں تھام لوں گا
میں تھام لوں گا
TALAASH
Sach Mein Koi Nahi Hai
Yahan Ab Koi Nahi Hai
Bas Tum, Faqat Tum, Sirf Tum?
Aur Main, Yani Main, Main Khud? Ji, Ji… Bas Main
Main, Mera Wajood, Mere Khayal
Kabhi Muskurahat, Gham To Kabhi Bikhre Baal
Kyun Baar Baar Aala-e-Raabta Ko Thaame
Kyun Us Ki Jalti Bujhti Roshni Ko Dekhe
Kyun Kar Rahe Ho Kisi Ka Intezaar
Intezaar Usi Paighaam Ka, Awaaz Ka, Insaan Ka
Wo Ja Chuka Hai, Yaqeen Karo
Yahan Ab Koi Nahi Hai
Koi Wajood Nahi Hai
Koi Kasar Nahi Hai
Sirf Tum Ho, Faqat Tum
Yani Main, Faqat Main
Main Wohi Hoon, Wo Nahi Hai
To Phir Main Kis Ki Talaash Mein Hoon
Meri Gustakh Aankhein, Meri Kamzor Yaadasht
Kis Ko Dhoond Rahe, Kis Ko Yaad Kar Rahe
Kuch Paana Hai Abhi, Kuch Mumkin Hai Abhi
Kisi Ko Talab Hai Meri, Hai Mujhe Kisi Ki Talab
Wo Kahan Hai, Aray Wo Bhi Yahan Hai
Dasht, Dariyaon, Sehraon, Door Base Gaon
Sab Ke Sab Mein Dhoondein Ge Use
Milega Wo, Insaan Hai Na… Ya Phir Khuda Hai
Mujhe Thi Usi Ki Talaash
Jise Thi Meri Talaash
Ye Bechaini, Iztiraab, Mehfil Mein Tanhaai
Be Wajah To Nahi, Rayegaan To Nahi
Main Dhoond Loonga Ek Din Use
Majboor Chehron Ke Peechay, Talkh Lehjoun Ke Neechay
Us Jheel Si Aankhon Wali Ko
Us Pariyon Ki Shahzadi Ko
Us Jaltarang Paniyon Ki Jal Pari Ko
Us Subah Ki Thandi Os Ko
Us Uthti Lehron Si Mauj Ko
Barsne Ko Taraste Baadal Jaisi Ko
Sab Rangon Se Atti Us Mor Ko
Seenay Mein Band Jazbaat Ke Shor Ko
Sawer Ki Pehli Madhham Kiran Ko
Sunehri Raat Ki Sabz Roshniyon Ke Milan Ko
Saalon Se Band Moti Jaisi Seep Ko
Kahin Gum, Kahin Khoi Andaleeb Ko
Udaas Ghari Ki Be Wajah Muskaan Ko
Bheed Mein Nikhre Us Haath Ko
Main Dhoond Loonga
Main Pehchaan Loonga
Wo Jis Haal Mein Hoga
Main Thaam Loonga
Wo Pyaas Kahega
Main Jaam Doonga
Wo Dil Kahega
Main Nikaal Doonga
Wo Nain Kahega
Main Noor Doonga
Wo Naam Lega
Main Jaan Doonga
Main Thaam Loonga
Main Thaam Loonga