نواں سال
چنگی ساری دنیا تے
چنگے سارے سال نی
نی جان والئے کھلوجا تو
صرف اک وار نی
اکھاں تے ھنیرا چھایا
چانن نظر نہ آیا
نور ساڈا دے جا توں
تیرے ہی خیال نی
سوچاں وچ کُھبدا جاواں
اداسیاں تے پردہ پاواں
دل نوں دس کی سمجھاواں
نی جاندی واری ویکھ سہی
چٹے ہو گئے وال نی
پھڑ پھڑ ،پھڑکے روح
مینوں میری رہی نہ سوں
چم جیویں چھڈے نوہ
مینوں میرے رب دی
سوہ
لبھدا پھراں چاروں سو
پاگلاں دے وانگ نی
مولا ڈوراں کل تیرے تے
خطا دی پنڈ میرے تے
دس زور کیدا تیرے تے
گنجلاں جیا حال جی
خالی ہتھ میں نہیں جانا
بوہا کسے دا نہیں کھڑکاناں
جے تیرا کُن ہووے تے
میری کی مجال جی
دعا تو کر ربا پوری
چاہی دی بس تیری منظوری
کر دے اک اشارہ نہیں تے
رُ ل جائے گا راؔئے یار جی
چنگی ساری دنیا تے
چنگے سارے سال نی
نی جان والئے کھلو جا توں
صرف اک وار نی
(رائےوقاص کھرل)
مورخہ : 31 دسمبر 2023اختتام-یکم جنوری 2024 آغاز(شب درمیانی)
بمقام: سیلانگور، ملائیشیا
NAWAN SAAL
Changi Saari Duniya Te
Change Saaray Saal Ni
Ni Jaan Walay Khlo Ja Tu
Sirf Ik Vaar Ni
Akhhan Te Hanera Chhaya
Chaanan Nazar Na Aaya
Noor Saada De Ja Tu
Tere Hi Khayal Ni
Sochaan Vich Khubda Jaawaan
Udaasiyan Te Parda Paawaan
Dil Nu Das Ki Samjhaawaan
Ni Jaandi Vaari Vekh Sahi
Chatte Ho Gaye Vaal Ni
Phar Phar, Pharkay Rooh
Mainu Meri Rahi Na Soo
Cham Jiven Chhaday Nooh
Mainu Mere Rabb Di Soh
Labda Phiraan Chaaron Soo
Paglaan De Waang Ni
Maula Doraan Kal Tere Te
Khata Di Pind Mere Te
Das Zor Kida Tere Te
Ganjlaan Jiya Haal Ji
Khaali Hath Main Nahi Jaana
Boha Kise Da Nahi Khadkana
Je Tera Kun Howe Te
Meri Ki Majaal Ji
Dua Tu Kar Rabba Poori
Chahidi Bas Teri Manzoori
Kar De Ik Ishaara Nahi Te
Rul Jaayega "Rai" Yaar Ji
Changi Saari Duniya Te
Change Saaray Saal Ni
Ni Jaan Walay Khlo Ja Tu
Sirf Ik Vaar Ni
(Rai Waqas Kharral)
Morakha: 31 December 2023 – Ikhtitaam, 1 January 2024 – Aaghaz (Shab Darmiyani)
Bamqaam: Selangor, Malaysia
